Kurtso hasierako bilera guraso taldearekin

Guraso agurgarriak:

        

         Gu Lorena, Amaiur, Jon Mikel eta Ander gara (BAKOITZAK BERE IZENA ESAN) eta zuen seme/alaben irakaslea naiz. Lehenik eta behin, eta bilerarekin hasi aurretik, eskerrak eman nahiko nizkizueke bilerara etorri zareten guraso guztioi. Horretarako, lista pasako dut jakiteko nortzuk zaudeten. (GURASO ZERRENDA PASA ETA BILERAREN LABURPENA DAGOEN ORRIA BANATU). Emandako orri honetan gaurko bileraren laburpena agertzen da.

Galderarik baduzue beldurrik gabe galdetu.

Klasean guztira 18 ikasle egongo dira eta 3 urte izango dituztenak. Umeen egokitzapenerako, komenigarria izango litzateke zuek kurtsoko lehenengo egunean gelan egotea. Modu horretan, gelako funtzionamendua ikusi dezakezue eta umeak hobeto egokituko dira eskolara.

Klasearen funtzionamenduari dagokionez, sarrera 9:00-etan izango litzateke, nahiz eta denbora tartetxo bat utziko genukeen beranduago iritsiko liratekenentzat. Irteera 16:30-ak aldera izango litzateke. Asistentzia nahitaezkoa da bai goizean bai arratsaldean eta puntualitatea garrantzitsua da, berandu iristen direnak ez dituzte arauak esta funtzionamendua betetzen.

Orain paper hau banatuko dizuet gaien ordutegia eta hauen irakasleak jakin dezazuten eta baita ere kurtsoko klase egunak eta festak ateratzen diren beste paper bat (GAIEN ORDUTEGIA ETA HAUEN IKASLEAK DITUEN PAPERA EMAN ETA EGUTEGIA)  

Kurtsoko helburuei dagokionez, honako hauek dira:

• Umeak eskolara gustora joatea.
• Eskolako dinamiketan gustora parte-hartzea.
• Pozik egotea, besteekiko harremanak lantzea.
• Eskolaren arauak errespetatzea.
• Alderdi sozialak lantzea; besteekiko errespetua…

Helburu hauek osotasunean betetzeko, noizbait  irteeraren bat egingo da. Irteera honen berri izango duzue zirkular baten bidez, bertan nora, noiz eta zenbat kostatuko duen azalduko da eta zuen sinadura beharrezkoa izango da umeek hau egin ahal izateko.

Honeiraino galderarik badago?

Ebaluatzeko garaia iristen denean, guraso bakoitzarekin bilera egingo da. Bilera horretan, lehenengo hiruhilekoan bere seme edo alabaren ebaluazioaz hitz egingo da eta haren egokitzapen aldiari buruz ere, haren emaitzei buruz hitz egingo da. Ebaluazio bilera egin ahal izateko hitzordu bat emango zaizue zirkular baten bitartez. Ebaluazioarekin batera, paper-zorro bat emango zaizue, zuek, gurasook, zuen seme-alaben lanak ikusi ahal izateko. Ebaluazioarekin jarraitzeko, ume bakoitzak agenda bat izango du irakasleak oharrak jartzeko eta zuei, zuen seme-alaben egoerari buruz informatzeko.

Bilerarekin jarraitzeko, papertxo bat emango zaizue. Bertan, haurrak jangelan geratuko diren edo autobusa hartuko duten espezifikatu beharko duzue. Orrialdearen azpikaldean, argazkiak egiteko autorizazioa aurkituko duzue, zuen seme-alabei argazkiak ateratzen uzten badiguzue sinatu, horrela ez bada, ez. (PAPERA EMAN)

Gaineratzeko, ume bakoitzari gaileta kaxa bat, amantala, maindireak, kleenex-ak, pardelak, aldatzeko arropa eta  haien izena duen edalontzi bat ekartzeko eskatuko zaie.

Hamaiketako orduan, umeek ekarritako gaileta kaixa erabiliko da eta urtebetetze bat dagoenean umeak zerbait ekartzen badu, hori hamaiketako bezala hartuko da. Jostailuei dagokienez, ezin dira eskolara ekarri hemen jolasak bait dituzte.

Botikarekin jarraituz, umeek botikaren bat hartuz gero tutoreari informatu behar zaio baita zorriak izateko kasuan ere. Gaineratzekoa da, arropa haien izenekin edo marka batekin ekarri behar dutela, umeek haien gauzak identifikatu ahal izateko. Nabarmentzekoa da, psikomotrizitate klasea duten egunetan txandala ekarri beharko dute.

Galderarik?

Oraingoan, eskolaz kanpoko ekintzei buruz hitz egingo dizuet; eguerdian siesta ordua dutenez, zuen seme-alabek ezin izango dituzte eguerdiko ekintzetan ibili baina arratsaldetan bai. Arratsaldeko ekintzen barruan honako hauek aurkituko ditugu: Ingelesa, Euskara eta Papiroflexia.  

Nabarmentzekoa da, gabonak baino lehen nahiz ondoren, kurtso amaieran alegia, jaia antolatuko dugula denok ondo pasatzeko. Eta jaia amaitzerakoan CD batean momentuko argazkirik onenak jarriko genituzke eta zuek eskuragarri izango duzue familiarekin ikus ahal izateko.

Eskolatik iristen diren informazioak irakurtzea beharrezkoa da: zirkularrak… Interesgarria izango litzateke kurtso hasieran ematen dizuegun liburuzka eskura izatea eskolaren filosofia eta eskolaren funtzionamenduaren eta antolakuntzaren arauak baitaude.

Ondoren, eskolako mediku seguruaren funtzionamendua azalduko dizuet inoiz zerbait gertatuko balitz zer egingo litzateke jakiteko.

Ume batek mina hartuz gero eta mediku batek ikusi beharko lukeela adierazten bada, momentu horretan umearekin dagoen irakasleak zuzendaritzara jo beharko du. Paper bat bete beharko du umearen egoera zein den adieraziz eta eskolan gertatu zaiola kolpea esanez. Adibidez, umeak besoa bihurritzen badu. Zerbait larriagoa bada, umea burua irekitzen duela edo horrelako zerbait gertatzen bada anbulantziari deituko da. Honez gain, lehen aipatutako papera beteko da beti eskolan gertatu dela adieraziz. Horrela zerbait gertatzen bada eskolak egingo da arduradun.

Bilera amaitutzat emateko, aukera izango duzue 16:30-18:00 bitartean zuen seme-alaben bila etortzeko, eskolak beste gela bat irekiko du umeek bertan egon daitezen jolasean zuek iritsi arte.   

(TUTOREAK) Nire partez bilera amaitu dugu, galderarik?  

(GURASO BAT) Ekarri beharreko materialari buruz zer esan duzu?

(TUTOREAK) Emandako informean ateratzen da dena, irakurritakoan galderarik baduzue  jarri kontaktuan nirekin.

Zerbait falta bota baduzue bileran jar zazue orri honetan. (PAPER TXURIA MAHAIAN JARRI GURASOAK IDAZTEKO)

Besterik gabe, eskerrik asko etortzeagatik.

 

BAIMENAK

Guraso agurgarriak:

         Zirkular honen bidez, jangela eta autobus zerbitzua erabiliko den jakin nahi da. Hemen azpian aurkitzen diren kasileta X bat jarri dagokion lekuan.

·         Jangela zerbitzua à  BAI               EZ

·         Autobus zerbitzuaà  BAI               EZ

Zuzendari taldea.

 

Guraso agurgarriak: 

                Zirkular honen bidez, zuen seme-alabei argazkiak egiteko baimena eskatzen dizuegu, gero eskolako webgunera igotzeko, zuek ikus ditzazuen. 

·         Nik _ _ _ _ _ _ _ _ _ _ _ _ _ _ , nire seme-alabari argazkiak ateratzeko  baimena ematen diot.

SINADURA: 

·         Nik _ _ _ _ _ _ _ _ _ _ _ _ _ _ , nire seme-alabari argazkiak ateratzeko EZ diot baimena ematen.

SINADURA: 

Zuzendari taldea.

 

ORDUTEGIA

	ASTELEHENA	ASTEARTEA	AZTEAZKENA	OSTEGUNA	OSTIRALA
9:00 – 10:00	INGURUNE	MATEMATIKA	EUSKERA	INGURUNE	MATEMATIKA
10:00 – 11:00	TXOKOA	TXOKOA	TXOKOA	TXOKOA	TXOKOA
11:00 – 11:25	JOLASALDIA
11:30 – 12:30	TXOKOA	TXOKOA	TXOKOA	TXOKOA	TXOKOA
12:30 – 14:30	BAZKAL ORDUA
14:30 – 15:30	PSIKOMOTRIZITATEA	PLASTIKA	LIBURUTEGIA/ ENGLISH	PSIKOMOTRIZITATEA	PLASTIKA/ ENGLISH
15:30 – 16:30	INGURUNE	MUSIKA	MATEMATIKA	MUSIKA	EUSKERA

Ikasgai hauek tutoreak emango ditu,hau da, Idurrek. Ingelesa, psikomotrizitatea, liburutegia eta musika izan ezik. Ingelesa Martak emango du, Psikomotrizitatea Mateok, Liburutegia Erlantzek eta Musika Izarok. 

Kurtsoko egutegia

Entre Maestros

Hemen uzten dizuegu dokumental interesgarri bat. Zuen gustokoa izatea espero dugu :) 

Irakasle bati egindako elkarrizketa

Elkarrizketa hau egin ahal izateko, Batxilergoan izandako irakasle bati laguntza eskatu diot. Irakasle honek, Maitane Urtizberea du izena eta ikasketak egin zituen bitartean saskibaloiko Espainiako selekzioan jolasten zuen.

Hasteko, irakasle izateko matematikako lizentziatura ikasi zuen. Beranduago, Bigarren Hezkuntzako irakasleentzako masterra egin zuen zientzietako espezialitatean. Bi ikasketak hauek, EHUko unibertsitatean jorratu zituen. Lizentziatura bukatzean, Eusko Jaurlaritzako Osasun Sailean hasi zen lan egiten ikertzaile moduan. Ez zen zaila izan lan hau topatzea, unibertsitatetik bideratua bait zegoen.

Urte batzuk ikertzaile bezala lan egin eta gero, lagun baten ezkon ordezkapena egitekoa aukera suertatu zitzaion eskola kontzertatu batean. Hiru astez egon zen eskola honetan. Horren ondoren, Osasun sailera bueltatu egin zen. Denbora gutxira, ikastetxe publikoetako listetatik deitu zioten eta pare bat hilabetez lanean aritu zen eskola horretan. Honen ondorioz, masterra egitera animatu egin zen. Guztira, lau ikastetxetan lan egiten egon da. Lau horietatik, bi publikoak izan ziren eta beste bi kontzertatuak. Kasualitatez, bi kontzertatuak, eskola txikiak izan ziren eta irakasle honek esan didan bezala: “kontzertatuak, ez dute zerikusirik publikoetan ikusitakoarekin”. Eskola publikoak, institutuak ziren eta 12-18 urte bitarteko ikasleak zeuden, kontzertatuan berriz, 0-18. Beraren ustez, eskola kontzertatuetako funtzionamendua hobeagoa da publikoetan funtzionamendua baino. Antolatuagoa dagoela arguaditzen du.

Lehen aipatu den bezala, eskola kontzertatuak, publikoak baino txikiagoak ziren eta horren ondorioz, familiekin, lankideekin eta ikasleekin harremanak estuagoak zirela esan daiteke. Eskola publikoak berriz, eskola handiagoak zirenez, zailagoa zen harreman gertuago bat izatea lankideekin, ikasleekin edota familiekin. Nabarmentzekoa da, eskolekin izan duen harremanetan ez duela zailtasun handirik izan.

Oro har, irakasle moduan aritu da, baina azken urte honetan, zuzendaritza taldean sartu egin da eta ikasketa buru lanak egiten dabil. Berritze-gune eta beste taldeekin ez du harreman zuzenik eduki orain arte.

Metodologia aldetik, aldaketak ematen ari direla esango luke. Beti gustuko izan du ikasleen parte-hartze handia baina geroz eta gehiago sumatzen du hau beharrezkoa dela klaseak hobeto emateko. Bere ustez, parte-hartze gutxi egon ohi da klaseetan eta hori bultzatzea gomendagarria dela. Berak, bere klaseetan ikasleak motibatuak ikustea gustoko baina nahiko zaila egiten zaio hau lortzea. Teknologia berrien laguntzaz zerbait aurreratu da baina hala ere metodologia aldaketa handiago bat egin behar dela uste du. Ikasgaien edukiak ikasleen bizi esperientziekin lotu behar direla uste du eta hau lortzeko lanean dabil.

Krisien aldetik, bere lan bizitza guztian krisian egon dela esan daiteke. Matematikako ikasketak bukatu zituenean, estatua munduko krisi ekonomikoan sartuta zegoen ordurako. Beraz, gaur egun dauden arazo antzekoak izan zituen: kontratu motzak eta eskasak, ezjakintasuna zure postu edota lantokiari buruz… Aurretik esan bezala, lanbidea aldatu egin zuen, ikertzailetik irakasle izatera baina hori ez zen bizitako krisiengatik izan, baizik eta momentuan izandako gogo aldaketagatik. Krisi gehien izan dituen lanean irakasle moduan izan da. Ikasle bihurriekin edota gurasoekin arazoak izan ditu baina arazo hauek izan dituen arren ez du inoiz bere lana uztea pentsatu.

Izan dituen lanak espero zirenak izan ziren. Ikertzaile moduan lan egiten egon zenean oso gustura egon zen bere benetan gustoko zuena irakaskuntza zela konturatu zen eta lan aldaketa egitea bururatu zitzaion.

Irakaskuntzari buruz hitz egiterakoan, aldaketa momentuan gaudela esan du. Bere ustez, urte gutxitan ikasleak eta bizitza asko aldatu da eta irakaskuntza berriz, duela 40 urtekoa bezalakoa da. Teknologia berrien bidez eta metodologia aldaketa handi batekin (lan kooperatiboa, proiektuak, etab.) ikasle motibatuagoak eta langileagoak edukiko dituztela pentsatzen du.

Beraren ustez, guraso eta irakasleek bide berdin batean joan behar dira. Bide honetan ikasleak animatu eta bideratu behar dituztela argudiatzen du. Gelan diziplina egotea ezinbestekoa da baina modu egoki batean. Ikasleak gustora egon behar da klasean dagoenean eta horretarako irakasleak konfiantza helarazi behar diola uste du. IKT-ak eskola arloan onak direla uste du. Eskolara ekarpen ona egiten diola baieztatzen du hauen bitartez gauza berriak ikasi daitezkeelako. IKT-ak erabiltzen ditu bere klaseak praktikoagoak izateko. Modu horretan, ikasleek ez dira hainbeste aspertuko.

Bukatzeko, urte hauetan hezkuntzak aurre-paso gutxi eman dituela esan du. Baina urte honetan egiten ari diren erreformak eta legeen erruz atzeraka goazela nabarmentzen du.